Прэзідэнт Караль Наўроцкі падпісаў праект закона PIT-0. Падатковы эксперт CRIDO Агнешка Пёнтэк заявіла, што бацькі змогуць разлічваць на льготы ў залежнасці ад іх заробку.
— Фізічныя асобы, якія зарабляюць на ўзроўні мінімальнага заробку не адчуюць істотнага паляпшэння сітуацыі. Палепшыцца сітуацыя тых сем'яў, дзе працуюць абодва бацькі, маючы сярэдні заробак, які цяпер складае разам з падаткамі каля 9 тысяч злотых у месяц. У такім выпадку, яны з'эканомяць на падатках каля тысячы злотых на месяц.
Эканаміст Марэк Зубер падкрэсліў, што, хоць рашэнне добрае, яно, несумненна, будзе значнай нагрузкай на дзяржаўны бюджэт.
— Гэта добрая сітуацыя для сем'яў, але яна азначае страту для бюджэту дзясяткаў мільярдаў злотых, дакладную суму пакуль цяжка палічыць, бо яна будзе залежыць ад заробкаў, якія змяняюцца. Можна сказаць, што ідзецца пра суму ў памеры 13-14 мільярдаў злотых.
Прэзідэнт Караль Наўроцкі абвясціў аб далейшых зменах у падатках. У панядзелак (11.08) у Сейм будзе ўнесены законапраект, які павысіць падатковы парог са 120 000 злотых да 140 000 злотых.
ПР/юл